BIANTARA SUNDA

BIANTARA SUNDA
Assalaamualaikum Wr.Wb.

Innal Hamda lillah nahmaduhuu wanastai’nu wanastagfiruh wana’udu billahi mingsururi angfusina waming sayi’ati a’malina mayahdillahu falaa mudillalah wamayudlillahu fala haadialah.

Ashadu alla ilaa ha illalah waashadu anna muhammadarrosuulullah.

Dewan juri anu ku simkuring dipihormat oge hadirin anu kusimkuring dipihormat.

Langkung tipayun mangga urang sami-sami manjatkeun puji anu maranti ka Gusti nu Maha Suci , nyanggakeun puja anu biasa ka Alloh nu Maha Kawasa. Kalayan rahmat sareng kurnia ti manteNa Alhamdulilah urang sadaya masih keneh tiasa kumelendang di alam dunya sok sanaos seueur salah jeung dosa, mudah-mudahan urang sadaya sing kalebet jalma-jalma anu kenging rohmat sareng ampunan dosa ti manteNa. Amin ya robbalaalamiin.

Teu hilap sholawat miwah kawilujengan mugia tetep dilimpah curahkeun ka jungjunan urang sadaya anu pohara nyaah ka kulawargana, nyaah ka sohabatna, oge nyaah ka sadaya umatna ti jaman jahiliyah dugi ka yaumal kiyamah nyaeta kangjeng nabi Muhammad saw.mudah-mudahan urang sadaya sing kenging syafaat ti mantena. Amin ya robbalalamiin.

Hadirin anu ku simkuring dipihormat

Teu karaos waktos nu ting laleos, menit nu paciwit-ciwit, jam anu paantay-antay, poe anu patele-tele, minggu anu patunggu-tunggu, bulan anu neundeun harepan, taun anu mapag impian. Teu karaos kabupaten urang sadaya nitik wanci nu mustari, nincak mangsa nu sampurna, alhamdulillah kabupaten urang sadaya dina waktos ayeuna ampir dua abad yuswana.

Hari Ulang Taun Garut teh dina waktos taun-taun nu kapengker mah biasana diperemut satiap kaping 17 Maret, tapi saatosna aya panalungtikan ku ahli arkeologi anu langkung talete, ningan kabupaten Garut teh mulai berdirina sakitar taun 1813, anu tepatna kaping 16 Pebruari 1813, sahingga ti ngawitan taun 2012 hari Ulang Taun Garut teh diperemut tiap kaping 16 Pebruari.

Ku perobihan waktos peremutan Garut eta urang sadaya salaku warga Garut entong matak janten masalah, nu penting mah sanes waktos peremutan ulang tauna, tapi kumaha urang sadaya salaku warga Garut tiasa ngaronjatkeun prestasi Garut, boh dina widang ekonomina, pendididikana, budayana oge widang-widang anu sanesna.

Hadirin anu ku simkuring dipihormat

Dina raraga memperemut Hari Ulang Taun Garut anu ka 201, hayu urang sasarengan ngaronjatkeun prestasi Garut ku cara ngajaga budaya sareng adat, diajar anu giat,  ulah ninggalkeun sholat, ngajauhan maksiat, sareng entong hilaf  ka akherat.

Sateacan di tutup, ieu simkuring gaduh pantun.

Lamun datang sasih Mulud

Ulah hilap cangkarukna

Lamun urang cinta Garut

Ulah hilap kana budayana

Mung sakitu anu tiasa kapihatur, nyuhunkeun dihapunten tina sadaya basa anu luhur.

Wassalaamu’alaikum Wr.Wb. 

Assalaamu’alaikum Wr.Wb. 

Wilujeng siang.

Patepang deui sareng simkuring ................. dina acara warta basa sunda.

Pamiarsa anu Mulya

Dina danget ayeuna simkuring bade ngadugikeun dua warta anu kacida pentingna.

Warta ka Hiji “Acara Devile SPKGS, O2SN sareng Sapta Lomba PAI“

Warta ka Dua “Acara Pembukaan SPKGS, O2SN sareng Sapta Lomba PAI”

Pamiarsa anu Mulya

Dina dinten .............. ping .................... 2013 di Alun-alun Leles diayakeun acara De Vile SPKGS,O2SN sareng Sapta Lomba PAI.

Acarana rame pisan, margi sadaya guru ngiring andil dina eta acara Devile. Masing-masing Gugus mintonkeun kamonesan seni sareng budayana. Aya anu mintonkeun kasenian, aya oge anu nganggo dangdanan unik, saperti dangdanan Gatot Gaca, panganten, lengser, ibu-ibu hamil jeung rea-rea deui.

Pamiarsa anu Mulya

Dina waktos anu sami, nyaeta dinten ......................................... di Alun-alun Leles oge diayakeun Acara Pembukaan SPKGS, O2SN sareng Sapta Lomba PAI. Acara pembukaan dilaksanakeun saatosna acara Devile. Acara Pembukaan di tandaan ku disadakeun alarem sareng ngaleupaskeun balon gas ku ibu Kepala Dinas UPTD Kecamatan Leles ibu Hetty Yanthi, M.Si.

Mung sakieu warta anu tiasa kadugikeun, nyuhunkeun dihapunten tina sadaya kalepatan sareng kakiranganana.

Abdi .............. sareng sadaya kru anu tugas ngahaturkeun nuhun tina sadaya perhatosanana.

Wassalaamu’alaikum Wr.Wb.